კითხვა

დიპლომატზე 100 ლარზე მეტი ფასის საქონლის გაყიდვისას, ანგარიშ–ფაქტურის გადაგზავნა საქონლის მიწოდებამდე უნდა მოხდეს, თუ საანგარიშო პერიოდში? (996 მუხლი 68 პ. ბ)

პასუხი

ბატონო/ქალბატონო

თქვენს 2012 წლის 18  ივნისის ელექტრონულ წერილთან დაკავშირებით გაცნობებთ, რომ  თუ საქონლის/მომსახურების დასაბეგრი ოპერაციის ჯამური თანხა ერთი მიწოდების ფარგლებში აღემატება 100 ლარს, ჩათვლის უფლებით დღგ-ისგან გათავისუფლებისათვის აუცილებელია დიპლომატიური წარმომადგენლობის წევრის მიერ მიმწოდებელს (გამყიდველს) წარედგინოს პირადობისა და ოფიციალური სტატუსის დამადასტურებელი სააკრედიტაციო ბარათი. მოცემულ შემთხვევაში მიწოდება უნდა განხორციელდეს მხოლოდ საგადასახადო ანგარიშ-ფაქტურის გამოწერის საფუძველზე, რომელშიც დღგ-ის თანხის აღმნიშვნელ სტრიქონზე მიეთითება „ 0“, მყიდველის საიდენტიფიკაციო ნომრის აღმნიშვნელ სტრიქონზე შეიტანება დიპლომატიური წარმომადგენლობის წევრის პირადობისა და ოფიციალური სტატუსის დამადასტურებელი სააკრედიტაციო ბარათის ნომერი, ხოლო საიდენტიფიკაციო ნომრის ამსახველი სტრიქონის შეუვსებლად დარჩენილ უჯრედებში მიეთითება „ –“.