კითხვა

მოგესალმებით, მაინტერესებს იურიდიულმა პირმა რომ გადასცეს ეკონომიკის სამინისტროს უსასყიდლოდ ძირითადი საშუალებები, აღნიშნული მიწოდება არის თუ არა დასაბეგრი ოპერაცია გადასახადების კუთხით?

პასუხი

ბატონო/ქალბატონო
თქვენს 2011 წლის 20 ოქტომბრის ელექტრონულ წერილთან დაკავშირებით გაცნობებთ, რომ საქართველოს საგადასახადო კოდექსის მე–100 მუხლის მე–4 ნაწილის თანახმად, ერთობლივ შემოსავალში ასახვას არ ექვემდებარება სახელმწიფოსთვის ან/და ადგილობრივი თვითმმართველობისათვის საქონლის უსასყიდლოდ გადაცემა ან/და მომსახურების უსასყიდლოდ გაწევა. ამასთანავე, საგადასახადო კოდექსის 168–ე მუხლის მე–4 ნაწილის ,,ი" ქვეპუნქტის შესაბამისად, ჩათვლის უფლებით დღგ-ისგან გათავისუფლებულია სახელმწიფოსთვის ან/და ადგილობრივი თვითმმართველობისათვის საქონლის უსასყიდლოდ გადაცემა ან/და მომსახურების უსასყიდლოდ გაწევა.