მოგესალმებით, არარეზიდენტმა ფიზიკურმა პირმა თანხა ასესხა რეზიდენტ ფიზიკურ პირს, რომელიც არ არის მეწარმე ფიზიკური პირი. სესხის მიმღებ ფიზიკურ პირს არ აქვს საგადასახადო აგენტის მოვალეობის შესრულების ვალდებულება საქართველოს საგადასახადო კოდექსის 154 მუხლის 1 პუნქტის მიხედვით, ამავე დროს არარეზიდენტის საქართველოში არსებული წყაროდან მიღებული შემოსავალი იბეგრება საქართველოს საგადასახადო კოდექსის 134 მუხლის მიხედვით, სადაც გათვალისწინებულია მხოლოდ გადახდის წყაროსთან გადასახადის დაკავება.

კითხვა:

გამოდის, რომ ჩვენს შემთხვევაში არარეზიდენტი ფიზიკური პირი არ არის ვალდებული სესხის პროცენტით მიღებული შემოსავალი დაბეგროს? წინასწარ დიდი მადლობა

პასუხი:

ბატონო/ქალბატონო

თქვენს 2013 წლის 16 ოქტომბრის ელექტრონულ წერილთან დაკავშირებით გაცნობებთ, რომ სსკ-ის 79-ე მუხლის თანახმად, საშემოსავლო გადასახადის გადამხდელია არარეზიდენტი ფიზიკური პირი, რომელიც შემოსავალს იღებს საქართველოში არსებული წყაროდან. 

ამავე კოდექსის 153-ე მუხლით საშემოსავლო გადასახადის შესახებ დეკლარაციას საგადასახადო აღრიცხვის ადგილის მიხედვით საგადასახადო ორგანოს საანგარიშო წლის მომდევნო წლის 1 აპრილამდე წარუდგენენ  არარეზიდენტი ფიზიკური პირები, რომლებიც შემოსავლებს იღებენ საქართველოში არსებული წყაროდან და არ იბეგრებიან გადახდის წყაროსთან.

კითხვა 2:

დიდი მადლობა პასუხისთვის,მაინტერესებს სესხის პროცენტის სახუთ მიღებული შემოსავალი, როდესაც გადახდის წყაროსთან არ დაიბეგრა, სსკ 134 მუხლის მიხედვით 5%-იანი განაკვეთით უნდა დაიბეგროს თუ 20%-ით? წინასწარ დიდი მადლობა.

პასუხი 2:

ბატონო/ქალბატონო

თქვენს 2013 წლის 16 ოქტომბრის ელექტრონულ წერილთან დაკავშირებით გაცნობებთ, რომ მოცემულ შემთხვევაში არარეზიდენტი ფიზიკური პირი დაიბეგრება საშემოსავლოს 20%-იანი განაკვეთით.