კითხვა

მოგესალმებით, კომპანიას ჩამოტანილი აქვს გასაყიდი საქონელი 5 წლის წინ, რომლის რეალიზაციაც ვერ განახორციელა დღემდე. შეიძლება თუ არა კომპანიამ მოახდინოს აღნიშნული სასაქონლო-მატერიალური მარაგების რეალოზაცია თვითღირებულებაზე დაბალ ფასად, რომელიც რეალურად ამ საქონლის დღევანდელი საბაზრო ფასია. რამე წინასწარი პროცედურები ხომ არ არის აუცილებელი, მომავალში რომ არ შეიქმნას პრობლემა საბაზრო ფასის რეალურობაზე. წინასწარ დიდი მადლობა

პასუხი

ბატონო/ქალბატონო
თქვენს 2012 წლის 16 აგვისტოს ელექტრონულ წერილთან დაკავშირებით გაცნობებთ, რომ სსკ–ის 145–ე  მუხლის მე–5 ნაწილის თანახმად, სასაქონლო-მატერიალური ფასეულობის აღრიცხვისას გადასახადის გადამხდელს უფლება აქვს, დეფექტური ან მოძველებული და მოდიდან გამოსული საქონელი, რომლის რეალიზაციაც შეუძლებელია მის წარმოებაზე გაწეულ ხარჯებზე ან შეძენის ფასზე მეტ ფასად, შეაფასოს ამ საქონლის შესაძლო სარეალიზაციო ფასით.